فراسه ودهاء

... السلام عليكم ورحمة الله وبركاته ...

هذه قصة تتكلم عن دهاء وفراسة امرأه
ذكرت على لسان أحد كبار السن ( رحمه الله ) ...
::
::
::

يقول كان في زمن من الأزمان رجل تاجر وكريم ويحب الخير للكل

وكان هذا التاجر الله رزقه بنت في غاية الجمال والكمال بنت وحيده

وكانت تتصف هذه البنت بذكاء والفراسه ويوم كبرت هذه البنت

كثر الخطابه والعرسان ولاكنها كانت لها شرط إذا حله اي متقدم لها

تكون زوجته وكانت تقول لهم أشعار وقصايد لها معاني ومغازي

وجميعهم لم يستطيعون حل اي قصيده لها ,,,

ومرت الأيام

ويوم من الأيام جاء ابوها وقال لها بأروح للقريه اللي جنبنا ومنيب متأخر ,,

وفعلا ذهب الرجل وفي رجوعه للمنزل صادف شاب في مكتمل العمر وكان في ذالك الوقت لا سياره ولا شي

والله وتصادف طريقه بطريق هذا الشاب ومشو سوا

وقال الشاب لرجل :: شرايك تشيلني ولا أشيلك ؟؟

نظر له الرجال :: وهو متعجب منه ؟!

ولله وشوي بدى الشاب يسولف ويتكلم لين وصلو لقريه كبيره واسعه

وسئل الشاب الرجال :: هذه القريه بها سور ولا مابها سور ؟؟

نظر له الرجال وقال :: انت ما تشوف قدامك القريه ( حماد ) يعني ارض منبسطه وين السور بها !!

سكت الشاب ومشو ومرت بقربهم جنازه لرجل متوفي

وسئل الشاب الرجال :: الرجال هذا متوفي ولا مومتوفي ؟؟

ارتفع ضغطه الرجال وقال :: انت شفيك فيك شي ؟!

الرجال قدامك ميت ومكفن ورايحين يم المقبره ...

سكت الشاب

ومرو بقرب من مزرعه

وقال الشاب :: المزرعه ذي مثمره ولا ماهي بمثمره ؟؟

ناظر له الرجال نظره يبي ياكله من القهر !!

وقال :: ماتشوف الثمر عمي ؟!

سكت الشاب

لين دخلو القريه وقاله الرجال بدون نفس :: تفضل الله يحييك ..

قال الشاب :: لا ,انا ابي اكبر بيت بالقريه ..

قال الرجال :: اكبر بيت بيت بيتي بذي الديره ..

قال الشاب :: لا في اكبر ..

وتفارقو وراح الرجال لبيته وهو زعلان ودخل على بنته وعرفت البنت إنه زعلان

وقالت له :: شفيك يايبه ؟!

قال :: مافي شي ..

قالت :: فيه وغير تعلمني ..

وقال لها القصه ,, ضحكت البنت !

وقالت :: يايبه شهوله إنت زعلان !!

الرجال صادق

:: تيشلني ولا أشيلك ::
تسولف ولا انا اسولف

:: القريه والسور ::
القريه بها فرسان يحموها ولا مابها

:: الرجل الميت ::
الرجل عنده عيال يحيون اسمه ولا ماعنده

:: المزرعه والثمر::
راعي المزرعه عليه دين ولا ماعليه

:: واكبر بيت ::
بيت الله المسجد

والبنت عرفت إن الشاب بالمسجد وكان عندها جاريه

وقالت للجاريه ::روحي المسجد وتلقين واحد هناك سلمي عليه وعطيه هذا

غضاره بها مرق يعني إناء به مرق

وقرص يعني خبر

وثلاث لحمات

وقولي له ::

البحر نازف

والقمر مكتمل

والكواكب ثلاث

وراحت لمه الجاريه وبنص الطريق شربت من المرق وكلت نص القرص وكلت لحمه

ووصلت لشاب وقالت له مثل ماقلت لها

ضحك لها وقال :: سلمي عليها وقولي لها

البحر نازف

والقمر منصف

والكواكب ثنين

وراحت مسيكينه تعلم البنت ويوم علمتها

قالت لها :: انتي اكلتي منها وهاوشتها

وطلبت من الشاب القدوم للبيت

وطلبها لزواج وتزوجها ...

::
::
::
. م . ن . ق . و . ل .

... دمتم بحفظ الرحمن ...